LAOAG CITY – Kinumpirmaran ni Engr. Jonathan Viernes, ti mangidadaulo iti DOST wenno Department of Science and Technology iti ciudad ti Batac a napaneknekan nga epektibo a panglaban ti cancer cells ti seaweed a “pukpuklo”.
Daytoy ket basar iti panagadal dagiti graduate students iti University of Santo Tomas (UST).
Segun ken ni Viernes, ti inyuswat a panagadal dagiti nasao nga estudyante ket pinondoan iti Department of Science and Technology-National Research Council ng Philippines (DOST-NRCP).
Inbatad ni Viernes a malaksid ti kinaepektibo na a manglaban ti cancer cells ket makatulong pay ti pukpuklo tapno mapagtalinaed a nasalun-at ti kudil.
Kabayatanna, inpakaammo ni Viernes nga inlungalong ni Dr. Ross Dizon Valquez, ti nangidaulo iti researchers team a masapol a maiyuswat pay ti sabali a panagadal tapno maamoan no ania pay dagiti dadduma a benepisyon a maala manipod iti “pukpuklo”
