LAOAG CITY – Inlawlawag ni Police Captain Dionisio Baldillo, hepe ti PNP Bacarra seknan ti impormasyon a maipagarup a nagpositibo iti COVID-19 ti maysa kadagiti nakaquarantine a police personnel.
Kuna na a saan a nagpositibo iti COVID-19 ti maysa a pulis iti PNP Bacarra.
Segun kenni Baldillo, nagawid ti personnel iti Ilocos Sur itay kallabes idinto a nagsubli tapno nagduty iti PNP Bacarra.
Kuna na a ti asawa ti nasao a pulis ti nagpositibo iti rapid test kalpasan a tinawagan na ti asawa na a pulis.
Gapu iti daytoy, nakaisolate iti Diwa Building ti pulis agraman dagiti nakapulapol na a personnel.
Kabayatanna, inbunannag ni Baldillo a nakikoordinar da iti municipal health officer ken ti balakad na ket maiyuray iti walo nga aldaw tapno maamuan a naimbag ti resulta ti rapid test.
Naiyuswat ti disinfection ti police assistance center a nagiyanan da a nagduty.
Innayon ni Baldillo a maiyur-uray ti resulta ti swab test ti asawa ti pulis nga adda iti Ilocos Sur kasta met dagiti police personnel ti PNP Bacarra.
Maikadua nga aldaw pay laeng a nakaisolate dagiti maseknan a pulis.
