LAOAG CITY – Naubor ti maysa a truck iti paset ti Brgy. Billoca iti siudad ti Batac.
Nabigbig ti driver ti truck a ni Danilo Natividad Dizon, agtawen ti 63, residente ti Naguillian, La Union.
Inlawlawag ni Police Supt. Reynante Baltazar, hepe ti PNP Batac ti insidente nga agpapada ti mudos dagiti panagubor iti kallabes.
Kuna na nga adda ti dua a motorsiklo nga addan ti sag-dudua a lubbon.
Inbatad ni Baltazar a ti maysa a kadagiti dua a motoriklo ti awanan ti silaw idinto nga adda ti silaw ti maysa a motorsiklo.
Segun kenkuana, nagsinnabat ti truck ken dagiti nakamotorsiklo iti napasamak ti panagubur.
Inadmitir ni Police Supt. Baltazar nga adda ti panagkurang ti nagresponde a pulis iti pannakabakal ti maysa a truck iti Brgy. Billoca iti siudad ti Batac.
Kuna na a paglawagen na a naimbag ti nasao a pulis kalpasan a napaay ti panangkamat na kadagiti suspek a nagubur.
Segun kenni Baltazar, saan na a kayat ti reaction ti maysa a pulis a nablangko bayat ti insidente.
Inbatad na nga ekspektaren na kuma a kamaten ti pulis dagiti suspek ngem kaskasdi nga awan ti naaramidan na.
Ikarigatan ni Baltazar a solbaren ti problema ti maysa a pulis mainaig ti napaay a panangkamat kadagiti suspek ti pannakaubur ti maysa a truck iti nasao a barangay.
