LAOAG CITY – Inbutaktak ni dati a Department of Public Works and Highways (DPWH) Bulacan district engineer Henry Alcantara ti iregularidad iti flood control projects a pakairamramanan dagiti sumagmamano nga agpanpanday linteg.
Inrakurak daytoy ni Alcantara kalpasan ti panangibasa na iti affidavit na kabayatan ti Senate Blue Ribbon Committee ita nga aldaw ti Martes, Setyembre 23, 2025.
Segun kenni Alcantara, da Senador Joel Villanueva, Senador Jinggoy Estrada, dati a Senador Ramon “Bong” Revilla Jr., ken Ako Bicol Rep. Zaldy Co ti nabenipisyaran iti budget insertions ken kickbacks.
Inbatad ni Alcantara a ni dati met a DPWH Undersecretary Robert Bernardo ti nangmandar kenkuana mainaig iti pondo a para kadagiti nadakamat nga opisyal.
Basar kenkuana, inbaga ni Bernardo a ti P300 million manipud iti 2024 General Appropriations Act (GAA) insertions ket para kenni Revilla a kandidato.
Iti met biang ni Sen. Villanueva, kuna ni Alcantara a maipagarop a nagkiddaw daytoy ti P1.5 billion para iti maysa a multipurpose building idi 2022, ngem P600 million laeng ti naaprubaran isut gapo na a saan a nagustwan ti Senador isut gapo na a napilitan da a mangaramid ti addang kenni Bernardo.
Inlawlawag na a saan a ngakiddaw iti partikular a proyekto wenno porsyento ni Sen. Joel ngem inmandar ni ni Usec. Bernardo a maikkan laengen ti proyekto nga agbalor ti P150M a proponent i Sen Joel.
Inbutaktak pay ni Alcantara nga inyawat na ti P150 million iti myasa a rest house idiay Bulacan iti maysa nga empleado ni Villanueva a nabigbig a ni Peng ngem saan nga ammo ti kampo ti senador a ti kwarta ket manipud iti flood control funds.
Mainaig met kenni Sen. Estrada, kuna ni Alcantara a nadakamat kadakuada ni Bernardo a ti nabatbati a P355 million manipud iti 2024 budget a para iti inawagan na nga “SJE,” a rumrumuar a ni Estrada ngem awan ti direkta a komunikasyon na iti senador.
Dinakamat pay ni Alcantara ni Rep. Zaldy Co a nagkida iti maysa a pasken idi Setyembre 2021 ken ditoy a napagsaritaan da ti panangipaay ti pondo iti distrito ni Alcantara para iti flood control projects.
