LAOAG CITY – Dumanon iti 200 a milyon a pisos ti pundo iti National Tax Allotment iti ili ti Pinili.
Daytoy ti inpakaammo ni Vice Mayor ken Interim President iti Vice Mayors League of the Philippine Maynard Francis Bumanglag.
Segun ken ni Bumanglag, alisto a naipasa ti budget gapu ta kasapulan nga on time iti pannakaipasa dagitoy.
Maragsakan gapu ta amin a department heads iti nasao nga ili ket naikkan ti gundaway tapno agsarita maipanggep iti nasao a budget isut gapuna nga alistoda a naipasa iti budget.
Inbatadna a no kitkitaen ket maysa iti ili ti Pinili a kabassitan nga ili iti probinsia ngem gapu iti kinalawa ti area a mamulmulaan ti tabako ngem isuda ti kadakkelan ti pundo manipud iti RA 7171.
Innayonna a babaen iti daytoy ket ad-adu manen dagiti mannalon ti matulungan iti ili ti Pinili.
