LAOAG CITY – Saan a magwantaan ti Provincial Veterinary Office ti agibunong kadagiti ramit wenno tulong para kadagiti umili ditoy probinsya.
Daytoy ti inbatad ni Dr. Loida Valenzuela, ti mangidadaulo iti Provincial Veterinary Office.
Inlawlawag ni Valenzuela a bassit da laeng nga agpapaay iti nasao nga opisina isut gapuna a no adda ti maibunong a livelihood project ket saanda a maiwaras a dagus.
Iti baet daytoy, nagpanawagan ni Valenzuela kadagiti umili a saan nga agpangadua nga umasideg iti opisina da no agkasapulan da ti tulong para kadagiti taraken da.
Inbalakad na met kadagiti nabepenisyaran ti livelihood program ti gobierno probinsyal a masapol nga ilalaen ken padur-asen tapno adda ti mataginayun a pamastrekan.
Maipalagip nga umabot iti nasurok a maysa a milyon a pisos ti balor dagiti naipaay a tulong kadagiti benepisyaryo ti Agri Ka Dito Program.
