LAOAG CITY – Adda ti makaanay a pwersa ti Philippine National Police (PNP) iti masungad nga Eleksyon 2022.
Daytoy ti inpasigurado ni Police Col. Julius Suriben, ti Provincial Director ti Ilocos Norte Police Provincial Office (INNPO).
Segun kenni Suriben, inpasigurado kenkuana ti Philippine Army, Philippine Airforce, Coastguard ken dadduma pay a Law Enforcement a nakabase ditoy probinsya.
Inbatad na a malaksid iti daytoy, adda pay ti nakabase a Regional Mobile Force Battalion ditoy Ilocos Norte.
Inpasigurado met ti opisyal nga ad-adda pay nga igetan da ti panagmonitor kadagiti nagduduma nga ili tapno agtalinaed ti nakapya nga eleksyon.
