Impakaammo ni Sanggunian Panlalawigan Member Medeldorf Gaoat, Chairman ti Committee on Health, a manamnama a maipaima iti Provincial Veterinary Office
dagiti sumangpet a rabies test kit.
Daytoy ket mausar a pag-eksamen kadagiti taraken nga aso no maapeektaran wenno matamaan dagitoy ti rabies.
Inbatad ni Gaoat a dakkel a tulong daytoy iti probinsia gapu ta no adda ti maapektaran ti rabies ket kasapulan pay laeng nga agturong iti kabangibang a probinsia.
Gapu iti panagsangpet dagiti nasao a test kit ket saandan a marigtan nga i-eksamen dagiti maapektaran, banag a pakalag-anan ti amin.
Mainaig iti daytoy, ginutigotna dagiti agtartaraken nga ipangruna ti pannakabakuna dagiti aso tapno maliklikan ti rabies ken awan ti maapektaran daytoy.
