LAOAG CITY –Nagdigus dagiti sumurok-kumurang 20 nga ubbing iti maysa a self-service car wash idiay Camarines Sur.
Nakita iti video ti arigna Wattah Wattah Festival a panangbasa ken panag-slide dagiti ubbing iti sabon-sabon a datar nga arigna a pinagbalindan ti nasao a self-service car wash a pool party.
Kinuna ti akinkukua iti self-service car wash a kabayatan ti panagdigus dagiti ubbing iti tudo ket kellaat a nagsardeng ti panagtupak ti tudo manipud iti tangatang isut gapuna a maysa kadagiti ubbing ti nangipisok ti barya iti machine tapno agbanlaw, no sadinno a napanunotanda metten a ditoy lattan nga ituloy ti panagdigusdan.
Nupay kasta, imbes ti pananganawa ti akinkukua, ket nakisali ken nakipagdigos daytoy kadagiti nasao nga ubbing.
