LAOAG CITY – Inpakaammo ni Mrs. Fe Siazon, Human Resource Management Officer ti gobierno probinsial nga agkurkurang dagiti agpapaay a radiologic technologist wenno radtech iti Gov. Roque B. Ablan Sr. Mem. Hospital.
Inbatad na a nabayagen a gutgutigutenda ni Dr. Walberg Samonte, agserserbi a chief of hospital a mangiyendorsar a dagus kadakuada no adda dagiti aplikante.
Immuna iti daytoy, kuna na a sipud adda ti tallo a naiyendorsar ket saan pay a nasunutan ken dagiti nadakamat nga aplikante ket saan amin a kualipikado.
Inlawlawagna a maysa kadagitoy ti saan a lisensiado a radtech ngem naala nga x-ray technician.
Kunana a maysa kadagitoy ti lisensiado a radtech ngem idi ta matawagan ket naalan a mangidaulo iti radiology department iti maysa a pribado nga ospital ditoy probinsia.
Innayon ni Siazon nga iti agdama ket awan pay ti aplikante gapu ta bassit dagiti mangal-ala ti Bachelor of Science in Radiologic Technology wenno BS RadTech.
