LAOAG CITY – Kinumpirmaran ni Fire Supt. Floro Obrero iti Bureau of Protection (BFP) ditoy probinsya nga adda ti naiyuswat a random drug testing kadagiti amin kameng ti BFP iti San Nicolas Auditorium.
Segun kenni Obrero, pakadagupan iti bilang da a 283 ket 275 a bombero laeng dagiti dimmalan gapo ta dagiti walo ken napan nagtraining idiay Calamba, Laguna.
Inlawlawag na a dagiti ummuna a dimmalan ket dagiti saan a nakaduty tapno adda latta ti mabati iti kada istasyon da ken simmublat dagiti nag-out iti trabaho.
Kunana a gagem ti nasao nga addang tapno masigurado nga awan ti agus-usar ti droga a kameng ti BFP ditoy probinsya.
