LAOAG CITY – Natiliw dagiti napagtipon a puwersa ti PNP-Pasuquin, Drug Enforcement Team ken ti PDEA ti maibilbilang a rank No. 5 drug personality a drug surendree ken adda iti street level target category iti ili ti Pasuquin.
.
Nabigbig daytoy a ni Benny Castulo, agtawen iti 63, naasawaan, maysa nga electronic technician ken residente iti Bgy. 2 iti nasao nga ili.
Natiliw ni Castulo kalpasan a maysa a pulis ti nagpammarang a gumatang iti shabu.
Malaksid iti naala iti suspek ti gatangen na koma a shabu, ket naala pay iti ikot na ti 1,000 peso bill a marked money ken sabali pay a bassit a plastic sachet a naglaon iti maatap a shabu.
Mainaig ti daytoy, maisagsaganan ti kaso a panagsalungasing iti RA 9165 wenno Comprehensive Dangerous Drugs Act of 2002 kontra ken ni Castulo.
