LAOAG CITY – Natiliw ti agnagan ti Constantino Herera Jr. babaen ti naiwayat a drug buy bust operation ti PNP iti Brgy. 24 San Roque iti ili a Sarrat.
Nakumpiskar dagiti otoridad ti pouch bag a naglaon ti maysa a kalibre 22 a revolver ken 10 a bala na, maysa a bala ti M14, ken maysa a bala ti kalibre 40, walo nga small sachet a naglaon ti maipagarup a shabu, maysa a medium sachet a naglaon ti maipagarup a shabu, 500 a pisos nga marked money, motorsiklo ken drug paraphernalia.
Kinumpirmaran ni Police Chief Insp. Roldan Suitos, hepe ti PNP Sarrat a Rank no. 5 iti street level target ti suspek.
Ibilang pay ni Suitos a napigsa nga aglako tio nasao a suspek ken aglaklako iti ili a Sarrat.
Inbatad na nga rabii ken parbangon nga aglaklako niHerera ti maipagarup nga iligal a droga.
Kuna na nga naatap ti nasao a suspek gapu ta no makalako iti maipagarup nga iligal a druga ket dagus nga aglemmeng.
Segun kenni Suitos, basbassit ti posible a makakita iti panaglako ti suspek no iti rabii.
Innayon na nga ivalidate da no adda ti parikyano na iti kabangibang a lugar iti nasao nga ili.
