LAOAG CITY – Pinasingkedan ni Acting Mayor Napoleon Hernando iti ili ti San Nicolas nga ad-adda pay a mapapintas ti Read and Lead Program iti ilida.
Segun kenkuana, daytoy ket kalpasan nga inaprobaran ti Sangguniang Bayan iti ili ti San Nicolas ti Draft Ordinance a gagemna a bumassit ti bilang dagiti ubbing a saanna nga ammo ti agbasa ken agsurat.
Inbatadna a babaen iti daytoy ket maikkan pay ti gundaway dagiti indibidual a nakaturpos iti kurso a Bachelor of Science in Education a mangisuro kadagiti pagadalan kas practice teaching wenno pangalaanda ti kapadasanda sakbayda a naan-anay a makatrabaho.
Kunana a maysa daytoy a wagas tapno matulunganda dagiti Barangay Education Workers kadagiti pagadalan tapno matutukan a naimbag ti panagbasa dagiti estudiante.
