LAOAG CITY – Inyestoria ni Regine Velasquez iti YouTube channel ni Ogie Diaz a nangipatulod ti sabsabong ni Stell kenkuana ken nag-sorry gapu ta saan a natuloy ti guesting daytoy iti Reset concert ti Asia’s Songbird a naikeddeng inton Pebrero 21 iti Samsung Performing Arts Theater, Makati City.
Inbatad ni Regine, adda ti miscommunication ken saan a naurnos ti iskedyul ti SB19 member.
Nupay kasta, adda pay ti tallo a concert ni Regine inton Pebrero 14, 15 ken 22.
Nag-post ni Regine a nadismaya isuna iti napasamak ngem inlawlawag ti singer a saan a gapu ken ni Stell.
Kunana nga uray ni Stell ket nadismaya met gapu ta saan a natuloy nga ag-guest iti concert ni Regine.
