LAOAG CITY – Makatulong iti ad-adda nga episyente a pananguram ti calories Ken panangpatalinaed ti timbang no alisto ti metabolism ti maysa a tao.
Ti metabolism ti proseso ti bagi iti panangi-convert ti makan kas enerhiya iti inaldaw nga araramiden.
Ado dagiti wagas tapno mapaalisto ti metabolism.
Karaman ditoy ti regular a panag-ehersisyo, aglalo ti strength training ken high-intensity workouts a makatulong kadagiti muscles tapno napigpigsa ti kabaelan ti bagi a manguram ti calories uray agin-inana.
Inpetteng dagiti health experts ti kinapateg ti pannangan ti umdas a balanse a panagdiyeta.
Ti pannangan ti protina, kas ti ikan, itlog, Ken manok, ket makatulong iti panagngato ti metabolic rate gapu ta ad-ado nga enerhiya ti kasapulan tapno ma-digest daytoy.
Irekomendar pay dagiti eksperto ti panaginom to umdas a danom gapu ta makatulong daytoy iti naurnus a panagtrabaho ti metabolism.
