LAOAG CITY – Kinumpirmaran ti Department of Agriculture ti panagngato ti 2 a pisos iti kada kilo iti presio ti regular ken well-milled rice.
Segun ken ni Agriculture Assistant Secretary ken spokesman Arnel De Mesa, no idasig iti naudi a presio ti bagas a P50 agingga P51 iti kada kilo, dumanon itan ti P51 agingga P52 iti kada kilo.
Inbatad ni De Mesa nga am-ammoendan ti maikagapu ti panagngato ti presio gapu ta harvest season pay laeng isu a nasken a nababbaba ti presio iti kada kilo ti bagas.
Kunana a nupay man dakkel ti nagngatoanna ket masapol a maammoan no apay dakkel ti nagngatoanna. Manarimaan ti pannakikoordinarda iti National Food Authority ken dadduma pay nga ahensia ti gobierno tapno masolbar ti isyu.
Rumrumuar iti monitoring ti Department of Agriculture, ti retail price ti local regular rice ket dumanon iti P48 agingga P52 iti kada kilo; local well-milled rice, P48 agingga P55 iti kada kilo; local premium rice, P51 agingga P58 iti kada kilo ken local special rice, P57 agingga 67 iti kada kilo.
Agay-ayam met iti P48 agingga P51 ti imported regular; P50 agingga P58 iti kada kilo iti imported well milled; P50 agingga 62 iti kada kilo iti imported premium rice bayat a P56 agingga P64 iti kada kilo ti imported special rice.
Innayon ni De Mesa nga ilunglungalong ni Agriculture Secretary Francisco Tiu-Laurel Jr. ti P250 billion budget iti 2025 tapno maipatungpal ti four-year plan para iti agriculture sector.
