LAOAG CITY – Inbasura ti Police Regional Office 1 ti reklamo kontra kenni Police Master Sergeant Kenneth Matute, dati a kameng ti PNP-Carasi ken chief investigator gapo iti kinakurang ti ebidensya.
Datoy ket pakaseknan iti maipagarop a panangipangta ni Matute kadagiti kakadwa na a pulis a da Police Staff Sergeant James Herbert Pascua ken Police Corporal Artemio Magaoay Jr. idi Marso 31, 2020.
Ummuna iti daytoy, basar iti blotter, napan ni Matute iti istasyon ti pulisya iti nasao nga ili ken kinomprontar na da Pascua ken Magaoay, ken maipagarop a pinagsawsaw-an na isuna ken rumrumwar nga inasut na ti paltog na ken insawang na a kabaelan na isuda a papatayen.
Nupay kasta, adda ti nagbalin a testigo iti insidente nga isu ni PSMS Jun Agtarap ken kunana nga awan ti napasamak a komprontasyon ken saan nga intutok ni Matute ti paltog na kenni Pascua.
Mainaig iti daytoy, kuna ni Pascua a nakigtot isuna iti deisyon ti regional office ngem respetaren na daytoy.
Inpetteng pay ni Pascua a nabayag da a nagkakadwa kennu Matute isut gapo na nga awan ti rason kuma nga ikaso da daytoy no awan ti inaramid na a madi kadakuada.
Inbatad na a gapo iti desisyon ket plano na ti agkiddaw ti re-investigation gapo ta saan da a balewalaen ti pasamak.
Innayon na nga awan ni Agtarap idi kinomprontar ni Matute isuda kenni Magaoay.
