LAOAG CITY – Kwinestionaran ni House prosecutor ken Ako Bicol Partylist Rep. Jil Bongalon ti petision nga inpila ti na-impeach a ni Vice President Sara Duterte iti Korte Suprema (SC) tapno lappedan ti impeachment trial ti Senado.
Inbatad ni Bongalon a daytoy ket maysa a desperado nga addang ken ti kaunaan a na-impeach nga opisial a nagkiddaw ti tulong iti Korte Suprema tapno ipasardeng ti panangtingiting iti daytoy.
Inlawlawagna nga imbes a sangoen ken ilaban ti bagina iti impeachment court, kalikagum ni Duterte a lappedan ti pannakatingiting a mangipasimudaag ti kinakapsot ti depensana.
Kuna pay ni Bongalon nga iti pakasaritaan ti impeachment ditoy Pilipinas, awan pay ti na-impeach nga opisial ti nanggandat nga ipasardeng ti proseso babaen ti Korte Suprema.
