LAOAG CITY – Naragsak ni Alliance of Concerned Teachers Rep. France Castro iti pannaka-impeach ni Vice Pres. Sara Duterte.
Segun kenkuana, kalpasan ti sumagmamano a bulan nga inur-urayda a pannakai-transmit ti impeachment complaints ket nagbalin met laeng a nabunga daytoy.
Inbatadna a masapol nga aramiden met ti responsibilidad iti Senado uray ania ti agdama a mapaspasamak ditoy pagilian kas ti mapaspasangasangan a 2025 National and Local Elections.
Inlawlawagna a pudno nga adda ti maris pulitikana iti impeachment ngem masapol laeng nga agpili iti umiso ken saan a nainkalintegan.
Innayonna a kalikagum ti grupoda a mapagsungbat ti Bise Presidente gapu ta saanna a naaramid dagiti rumbeng nga aramidenna kas maikadua a kangatoan nga opisial ti pagilian.
