LAOAG CITY – Indeklara a persona non grata iti Ilocos Norte ti Sangguniang Panlalawigan ni Ilocos Norte ni first district Rep. Rodolfo Fariñas.
Daytoy ket kalpasan a nagmaymaysa dagiti amin a miyembro ti Committee of the Whole a presente iti sesyon a bimmotos iti resolosyon nga inisponsuran ni Bokal Vicentito Lazo tapno maideklara a persona non grata ti diputado.
Segun ken ni Lazo, daytoy ket gapu iti saan a patas a panagimbestigar ti House Committee on Good Government and Public Accountability iti alegasyon ni Fariñas a misused of funds kontra iti gobyerno probinsiyal ken iti agtultuloy a pannakaibalod dagiti Ilocos 6 idiay kongreso.
Inpetteng ni Lazo a rumbeng laeng a maideklra a persona non grata ti nadakamat nga agpanpanday linteg gapu iti saan na a panangsurot iti rule of law.
Uppat met ti absent kadagiti kameng ti Sangguniang Panlalawigan a saan a nakapagbotos a dagitoy ket da Bokal Domingo Ambrosio Jr., Juan Conrado Respicio II, Matthew Marcos Manotoc ken ti anak ti diputado a ni Ria Fariñas.
