LAOAG CITY – Pormalen a naipatugaw kas House Speaker ni Isabela 6th District Rep. Faustino “Bojie” Dy III kalpasan ti panagbaba iti pwesto ni Rep. Martin Romualdez.
Daytoy ket kabayatan ti sesyon itay laeng ummuna a gundaway iti House of Representatives.
Iti panagbitla ni Romualdez, kunana a bimmaba iti pwesto para iti independent investigation iti maipagarop nga anomalya iti flood control projects a nakairamanan ti nagan ken dagiti sumagmamano pay nga opisyal.
Inbatad na nga awan ti basol na ken iduldulin na ngem napateg ti panagtalek iti publiko isut gapo na a nagikkat iti pwesto.
Sakbay a naelektaran kas House Speaker ni Dy, isuna ket Deputy Speaker iti 20th Congress; nagbalin pay a bise gobernador iti Isabela manipud 2019 agingga ti 2025; gobernador iti tawen 2010 agingga iti 2019 ken kongresista iti 3rd District manipud 2001 agingga iti tawen 2010.
Sumagmamanon a partido ni Bojie no sadinno miembro isuna iti Nationalist People’s Coalition idi 2016, PDP idi 2019 ken 2022, ken ita ket miembro iti Partido Federal a partido ni President Ferdinand Marcos Jr.
Simrek iti pulitika idi 1998 a agserbi kas Mayor iti Cauayan City. Idi met 2010 ket nangabak kas gobernador ken kinalaban na ni Grace Padaca, ti dati a journalist ken Ramon Magsaysay Award for Public Service recipient.
Ni House Speaker Bojie ket maipud iti Dy political family a nangrugi a nagturay iti Isabela iti pre-EDSA.
Ti ama na a ni Faustino Dy Sr. ket nagserbi kas Isabela governor manipud 1971 agingga iti 1986, ken 1988 agingga iti tawen 1992.
