LAOAG CITY – Ilunglungalong ni AGRI Party-list Representative Manoy Wilbert Lee a manayonan pay ti benepisio ti Philhealth para kadagiti miembroda.
Daytoy ket iti baet ti napintas a damag iti pannakaipalawa ken naipangato a benepisio ti Philhealth.
Inaramid ni Lee ti panawagan kalpasan nga inrakurak ti Philippine Health Insurance Corporation (PhilHealth) ti panagngato kadagiti benefit packages daytoy pakairamanan ti 50% increase iti coverage iti 9,000 a case rates wenno dagiti sakit.
Inbatad ni Lee a ti nasao a panagngato ken pannakaipalawa kadagiti benepisio ket paset ti inlungalongna a commitment a pinirmaan mismo ni Department of Health (DOH) Secretary Ted Herbosa ken PhilHealth President and CEO Emmanuel Ledesma Jr. iti deliberasion ti budget iti Kongreso idi Septembre 2024.
