LAOAG CITY – Nangidonar ni Ilocos Norte 1st District Rep. Ria Fariñas ti 200 vials a kaibatugan ti 2000 doses nga astrazenca vaccine para kadagiti residente ditoy ciudad ti Laoag.
Ti nasao a bakuna ket inawat a mismo ni Mayor Michael Marcos-Keon ditoy ciudad.
Inbaga ni Fariñas a ti inggatang na ti bakuna nga agbalor amin ti dua a milyon a pisos ket aggapo a mismo iti bulsa na wenno personal a kwarta na.
Nagyaman ni Mayor Keon ken ni Congresswoman Fariñas gapu ta dakkel ti maitulong ti 2000 doses nga astrazeneca vaccine nga indonar ti nasao nga agpanpanday linteg tapno magun-od ti herd immunity ditoy ciudad ti Laoag.
