LAOAG CITY – Simmango manen iti publiko no Leyte first district Representative Congressman Martin Romualdez, sipud nairaman ti nagan na iti kontrobersiyal a flood control projects kalpasan a personal a bimmisita iti masakupan na a distrito , no sadinno a nabar a sinarabo dagiti lokal nga opisyal ken residente iti lugar.
Iti panagsursuro ni Romualdez, nakitaripnong kadagiti residente ken lokal a lider kadagiti ili ti Santa Fe, Alangalang, ken Tolosa iti probinsya ti Leyte.
Gagem ti panagbisita ni Romualdez nga ipakita ti agtultuloy a pannakikoordinar na kadagiti masakupan na a lugar iti baet dagiti sangsangwen nga isyu.
Basar iti sumagmamano a lokal nga opisyal, napateg ti personal a presensya ti kongresista tapno direkta a maidanun dagiti kasapulan ti komunidad da, karaman ti imprastruktura, serbisyo iti komunidad ken dagiti programa a para iti pagsayaatan.
Maysa kadagiti kangrunaan nga aktibidad ti panagbisita ni Romualdez ken ti panaginspeksyon kadagiti proyekto a napondoan iti babaen ti opisina na.
Inpeksa ti agpanpanday linteg ti optimismo iti agtultuloy a panagdur-as dagiti ili iti distrito na.
Kuna na a sangsangkamaysa a bumangon ken dumur-as ti masakupan na a distrito.
