LAOAG CITY – Ado dagiti masdaaw gapo ta iti laksid a nauram ti replika ni Poong Nazareno iti Barangay 2 ditoy ciudad ti Laoag ket nagtalinaed a natibker ket arig na saan a naan-ano.
Ummuna iti daytoy, inbatad ni Mr. Marcelino Fiesta, caretaker ti pagtaengan nga ayan ti replika, itay nakariing iti 5:30 ti agsapa ket saan met pay a mapupuuran daytoy.
Segun kenni Fiesta, bayat nga agdaldalos iti likodan ti pagtaengan ket adda ti nangeg na a nagpukkaw isut gapo na a dagus a simrek ken ditoy a nakita na a mapupuuran ti replika ni Poong Nazareno.
Gapo iti daytoy, dagus na a sinebseban ken nagpaayab ti electrician tapno ipakita ti napasamak.
Inbatad na a basar iti electrician, nag-overheat ti silaw ti replika isut gapo na a pimmutok a nangitunda ti pannakauram daytoy.
Saan met a nairaman ti rebolto ni Mama Mary nga adda iti abay ti replika ni Poong Nazareno.
Mainaig iti daytoy, maladingitan met ni Novelyn Mariano, maysa kadagiti deboto ni Poong Nazareno gapo iti napasamak.
Innayon na a dagus met a maipatarimaan daytoy tapno maisubli iti dati.
