LAOAG CITY – Inrakurak ni Batangas Representative Leandro Leviste nga addaan metten ti kopya ti listaan ti flood control insertions da Kamanggagawa Partylist Rep. Eli San Fernando ken Cavite 4th District Rep. Kiko Barzaga.
Daytoy ket basar iti facebook post ni Leviste kagiddan ti panangkablaawna ti amin ti nagasat a baro a tawen.
Naipalaon iti Facebook post ni Leviste ti ladawan no sadinno a makita isuna kaduana da Representatives San Fernando ken Barzaga nga agkakadua a mangmangan.
Maipalagip nga immunan nga inbutaktak ni Leviste nga adda ti inpaay kenkuana ti pimmusay a ni dati a Department of Public Works and Highways (DPWH) Undersecretary Maria Catalina Cabral a files dagiti budget insertions.
