LAOAG CITY – Inpakaammo ni Dr. Melvin Manuel, mangidadaulo iti City Disaster Risk Reduction and Management Council Office ditoy siudad ti Laoag a nagsublin dagiti evacuees iti Brgy. 2, Brgy 7-B, Brgy. Lapaz 7-C iti bukodda a pagtaengan.
Nupay kasta, adda ti dua a pamalia ti naibakwit manipud iti Brgy. Barit, Sitio 6 a nakaapasar iti landslide gapu iti agtultuloy a panagtudo gubuay iti Super Typhoon Carina.
Innayonna nga awan dagiti naireport a pimmusay wenno nasugsugatan a residente a naakpektaran ti Super Typhoon.
Kabayatanna, sisigana nga agresponde dagiti rescue personnel iti City Disaster Risk Reduction Management Council Office ditoy ciudad kadagiti aniaman a mapasamak nga insidente.
