LAOAG CITY – Nakaawiden dagiti residente a naibakwit manipud kadagiti pagtaenganda iti siudad ti Batac gapu iti epekto ti Bagyo Kiyapo.
Inpakaammo ni Mr. Arvin Lumang ti mangidaulo ti City Disaster Risk Reduction Management Office (CDRRMO) iti siudad nga adda ti pakabuklan a 28 a pamilia wenno 80 nga indibidual ti naibakwit.
Kunana a dagitoy ket manipud iti 8 a barangay a dagitoy ket tu Barangay Ricarte, Billoca, Ben-Agan, Palpalicong, ken dadduma pay.
Segun kenkuana, basar ti inisial nga assessment-da, ada ti 2 a nairekord a landslide no sadinno a napasamak iti Barangay Sumader no sadinno a maysa ti nadangran ken maysa a pagtaengan ti nairekord a partially damage.
Nairaman kadagiti 2 a na-landslide ket ti Barangay Billoca a maysa met a pagtaengan ti naapektaran ngem awan ti nairekord a nadangran.
Mainaig iti daytoy, manarimaan ti assessment-da kadagiti nadadael nga pagnaan danom ken kasta metten kadagiti imprastraktura.
Innayonna a mabalinen nga agsubli ti trabaho ken klase dagiti estudiate iti nasao a siudad inton Lunes.
