LAOAG CITY – Naglikudan ni Mrs. Editha Dela Cruz, residente ti Brgy. 54-A, Lagui-Sail ditoy siudad ti Laoag ti reklamo a maipagarup a pagbalbalinenda a pagparkingan ti kalsada a naaramid kas road widening project iti barangayda.
Segun kenkuana, mabainda nga agi-parking iti saan nga umiso a lugar nangruna ket adda met ti bukudda a pagparkingan kadagiti luganda.
Inbatadna a sagpaminsan ket i-parking laeng dagiti annakda dagiti luganda iti ruar ti kalsada tapno mapan mangan iti pagtaenganda.
Nupay kasta, inpalgakna a saan nga agbayag ti pannakai-parking dagiti luganda gapu ta dagus met laeng a maikkat iti kalsada apaman nga agsublida kadagiti pagtrabahoan dagitoy.
Kabayatanna, kinaritna dagiti agrekreklamo gapu ta awan met ti kinapudnona dagiti ipadpadanonda kadakuada.
