LAOAG CITY – Inaprobaran ti Sangguniang Panlalawigan ti resolusyon ti pannakaiyalokar ti budget para iti financial assistance dagiti Barangay Nutrition Scholars ken City/Municipal Action Officers.
Daytoy ket babaen iti balbaliw a pannakaiprograma dagiti nagduduma nga items manipod iti maintenance operating expenses a mapagbalin a financial assitance para kadagiti BNS and City Action Officers iti babaen ti 2020 budget ti Provincial Nutrition Action Office.
Segun kenni Sangguniang Panlalawigan Member Donald Nicolas, chairman ti Committee on Appropriations, inrekomendar ti Local Finance Committee a maipaay ti tulong pinansyal kas panangapresiar ti dedikasyon dagiti maseknan a tumultulong kadagiti barangay da.
Agdagup ti 1,149,450 a pisos ti naiyalokar a pondo a maipaay kadagiti 912 a Barangay Nutrition Scholars.
Narealign ti nasao a pondo manipod kadagiti saan a naisaysayangkat a training dagiti nutrition scholars gapu iti mapaspasaran a pandemya.
