LAOAG CITY – Natiliw ti maysa a babai iti naiyuswat a drug buy bust operation idiay Brgy 27, Laoag City, Ilocos Norte.
Nabigbig daytoy a ni Ma. Cristeta Ranada Valencia aka “Tet Tet”, agtawen ti 32, awanan ti asawa, cashier iti maysa a restaurant ken newly identified drug personality.
Nagatang manipud iti subject ti operasyon ti maysa a bassit a sachet a naglaon ti maipagarop a shabu.
Nakumpiskar pay kenkuana ti 500 a pisos, maysa nga elongated ken bassit a plastic sachet nga agpada a naglaon ti maipagarop a shabu, maysa a cellphone, kaha ti sigarilyo ken ti personal a kwarta a 100 a pisos.
Manmanama met a maipilaan ti kaso ti nasao a babai.
Mainaig iti daytoy, kuna ni Valencia a nagturong idiay Barangay 27 ditoy ciudad tapno mapan na kitaen ti kurong-kurong nga insalda na iti agnagan ti “Tibong”.
Rumrumwar a ni “Tibong” ket agkasapulan ti kwarta isut gapo na nga i-transfer ni Valencia ti pannakaisalda ti kurong-kurong.
Innayon ni Valencia a nakigtot laengen idi adda dagiti kameng ti PNP-Laoag a mangarestar kenkuana.
