LAOAG CITY – Inparuk-aten ita nga aldaw ni Ombudsman Boying Remulla ti maysa a memorandum circular a mangipalpalubos a maisubli manen ti ‘access’ ti publiko iti Statement of Assets, Liabilities and Net Worth wenno SALN dagiti opisial ti gobierno.
Inrakurak mismo daytoy ni Atty. Mico F. Clavano no sadinno nga inikkaten dagiti restriksion tapno maka-access iti nasao a dokumento.
Gapu iti daytoy, naidatagen dagiti pagannurotan a kasapulan a suroten tapno maaddaan ti kopya ti ‘assets document’
Maipalagip a ti pannakadutok ni Remulla kas baro nga Ombudsman ket immunan nga inbatadna a kas paset iti gagem nga aramiden a ‘transparent’ ti nasao nga opisina.
Kabayatanna, manipud kadagiti kangangatoan a posision wenno ti Presidente ken pakairamanan ti Ombudsman ket karaman kadagiti mabalin a maipublikar ti kopya ti Statement of Assets, Liabilities and Net Worth dagitoy.
