LAOAG CITY – Negatibo ti resulta ti swab test dagiti nakapulapol ni IN-C5 wenno ti maikalima a kaso ti covid-19 ditoy probinsya a residente iti Brgy. Duripes iti ili ti Bacarra.
Daytoy ket basar iti inparuk-at nga impormasyon ni Mayor Fritzie Dela Cruz Gapasin iti facebook page na.
Mainaig iti daytoy, inpakaamo ti mayor a maikkat ti naipatungpal a lockdown iti Brgy. Duripes a residensya ti IN-C5 ita nga aldaw.
Nu pay kasta, nagballaag ni Mayor Gapasin a kanayun a suruten dagiti health standards kas iti panagisuot ti face mask, panangsurot ti social distancing, proper hygiene, ken liklikan ti rumuar iti pagtaengan nu saan nga importante ti papanan.
Maipalagip a nasurok 20 a tattao dagiti dimmalan iti swab test kalpasan a nakapulaol da ni IN-C5 ken Hulyo 1 idi nangrugi a naipatungpal ti lockdown iti Brgy. Duripes.
