LAOAG CITY – Nagballigi dagiti otoridad a nangtiliw iti maysa a retirado a mangisursuro idiay Pasuquin, Ilocos Norte.
Nabigbig daytoy a ni Teresita Albuerto y Cabaya, agtawen iti 74, retired teacher ken residente iti Barangay 32, Sapat iti ili a Pasuquin.
Natiliw ni Albuerto babaen ti bileg ti warrant of arrest nga inparuk-at ni Hon. Judge Felix Salvador Acting, presiding judge iti RTC Branch 19 iti ili a Bangui gapu iti kaso na a falsification of public documents.
Nairekomendar ti 36 a ribo a pisos a piyansa ni Albuerto para iti temporaryo a pannakawaya-waya na.
