LAOAG CITY – Natiliw ti maysa a dati a kameng ti Philippine Army kalpasan a narekobre dagiti high powered ammunition iti uneg ti balay na iti Brgy. Cabaruan, Bacarra, Ilocos Norte.
Nabigbig ti dati a sundalo a ni Dionisio Acob.
Iti naiwayat nga search operation ti PNP Bacarra, narekobre dagiti otoridad ti pito a bala ti M16 armalite rifle, maysa nga 1 empty shell ti kalibre 45, dua a buli ti M16 armalite riffle ken dua a langis para ti paltog babaen ti bileg ti search warrant.
Nakasagana ni Acob a sanguen ti maipila a reklamo kontra kenkuana.
