LAOAG CITY – Inlawlawag ni Retired Police Officer Marvin Pascua iti ili ti Solsona no siasinno ti kwalipikado a mapalubusan nga agikot ti paltog.
Inbatad na a masapol nga agtawen ti 21 agpangato, saan a nakunviktaran ti aniaman a krimen ken awan sangsangwen na a kaso a ti dusa na ket nasurok a dua a tawen a pannakaibalud.
Malaksid iti daytoy, kuna ni Pascua a masapol nga adda ti application in writing na a kayat na ti mangala ti lisensya nga agikot ti paltog, nakapasa ti neuro psychiatric examination ken negatibo iti drug test.
Inpakaammo ni Pascua a ti legal a panagikot ti paltog ket saan a kalintegan ti tao no di ket maysa a pribiliheyo.
