LAOAG CITY – Inpakaammo ni Mayor James Bryan Alcid a nangrugin ti retrofitting ti Laoag City Public Market and Commercial Complex.
Segun kenkuana, adda ti 25% pay laeng ti nalpas isut gapuna a minandarna dagiti agtrabtrabaho gapu ta maobserbaranna a nabayag dagitoy.
Inbatadna a kalpasan iti daytoy ket maurnos pay ti kada kadsaraan iti nasao a merkado publiko tapno naplasplastar ti urnos dagiti aglako.
Inlawlawagna a maurnos pay dagiti daan a signages tapno nadaldalus ti kitana.
Innayonna a babaen iti daytoy ket in-inot a maplastar ti tiendaan tapno nataltalged a paggatangan dagiti umili ditoy siudad ti Laoag.
