LAOAG CITY – Binalakadan ni Rey Valera ni Moira Dela Torre a liklikan ti agbalin a “redundant” wenno paulit-ulit kadagiti kantana.
Segun ken ni Valera, napateg nga ageksperimento ken padasen ti maysa a songwriter ti nagduduma nga estilo.
Inpakaammo ni Valera ti opinionna iti maysa nga interbiu, no sadinno dinayawna ti talento ni Moira, ngem inpaganetgetna ti pannakasapul iti panagbalbaliw iti musika.
Kinunana, mabalin a mapukaw ti interes dagiti agdengdengngeg no agpapada ti tema ken estilo dagiti kanta.
Iti laksid ti balakad, patien ni Valera nga adda potensial ni Moira nga agtultuloy nga agballigi iti industria ti musika.
Kabayatanna, kas sungbat ket silulukat ni Moira kadagiti suhestiyon ken agtultuloy nga apresiarenna ti kritisismo a mangpasayaat kadagiti kanta na.
