LAOAG CITY – Naragsak nga inrakurak ni Ria Atayde iti panagsikogna nga umuna nga anakda iti asawana a ni Zanjoe Marudo.
Iti online account-na ket nag-post daytoy ti ladawanda kabayatan nga adda iti baybay ken iggemna ti baby bump-na.
Ingiddanna ti nasao a damag iti Father’s Day no sadino ket kinablaawanna ti asawana a ni Zanjoe.
Nagsasaruno met ti panangkablaawda kadakuada manipud kadagiti fans ken dagiti kakaduada iti showbiz.
Maipalagip nga idi Marso idi nagkallaysa dagiti dua.
