LAOAG CITY – Inpasigurado ti Bureau of Customs (BOC) ti alisto a panangiruar kadagiti kargamento ti bagas iti Manila International Container Port (MICP) kas sungbat kadagiti posible a pannakaitantan daytoy a maipaay wenno makadanon kadagiti konsyumer.
Inbatad ni Customs Commissioner Bienvenido Rubio iti publiko a ti ahensia ket naanus nga agtartrabaho tapno masolbar dagiti iligal a panangidulin kadagiti bagas.
Kuna ni Rubio nga awan ti port congestion iti Manila International Container Port ken na-clear dagiti amin a kargamento, nadakamat a ti pannakaitantan ket manipud kadagiti managgundaway nga importer ti 30 nga aldaw a pawayway tapno i-claim dagiti kargamentoda kalpasan a nagbayad ti customs duties and taxes.
Ginutigot ni Romualdez dagiti importer ti bagas nga iyalisto ti panangiparuk-at kadagiti kargamentoda a nagballaag kadakuada iti panag-stock a mangitunda ti legal repercussions.
