LAOAG CITY – Manamnama a maipatungpal ti linteg trapiko seknan iti panagtalinaed dagiti nagiginad a behiluko iti right outermost lane iti kalsada.
Segun kenni Mr. Perry Martinez, mangidadaulo iti Metro Ilocos Norte Council, maangay ti panagtataripnong da intono Marso 5 ita a tawen tapno ammuen da no anya itinagdur-asan dagiti napagsasaritaan da iti immuna a taripnong da.
Mapagsasaritaan da iti pannakaipawil ti panagparking iti igid ti kalsada, panagdalyasat dagiti nagiginad a behikulo iti tengnga ti kalsada ken dadduma pay.
Maipawil ton ti panagdalyasat dagiti maibilang a nagiginad a behikulo kas iti tricycle, motorsiklo, e-bike, biskleta, ken kalesa.
Apaman a maiplastar dagiti signages ket dagus a maipatungpal ti nasao a paglintegan.
