LAOAG CITY – Natiliw ni Jose Pascual, agtawen ti 36, room boy iti maysa a nalatak nga hotel ditoy ciudad ti Laoag, iti naisayangkat a drug buy-bust operation iti Barangay 5 ditoy ciudad.
Nupay kasta, inpasingked ni Pascual a saanna a kukua dagiti nakumpiskar dagiti otoridad nga uppat a sachet a naglaon ti maipagarop a shabu.
Rumrumuar a ti maysa a sachet ket inlako ni Pascual idinto a dagiti tallo a sachet ket nakumpiskar dagiti otoridad iti ikot na.
Malaksid kadagiti uppat a sachet a naglaon ti maipagarop a shabu ket kinumpiskar pay dagiti otoridad ti motorsiklo ni Pascual a maysa a Yamaha Mio ken ti 500 a pisos a nausar iti operasyon.
Inpetteng ni Pascual a nabayagen a saan nga agus-usar ti illegal a droga, ken ti naudi ket idi agad-adal pay laeng iti sekondarya.
Kabayatanna, inbatad ni Pascual nga adda dagiti sugat na gapu ta maipagarop nga induron ken dinanug dagiti pulis
