LAOAG CITY – Kumpirmado nga adda ti warrant of arrest para iti komediante a ni Rufa Mae Quinto.
Sumangsango ni Rufa Mae ti 14 counts ti estafa a kaso ni Rufa Mae gapu iti reklamo dagiti 39 nga indibidual.
Naammoan a kas ken ni Neri Naig Miranda, celebrity endorser met ni Rufa Mae ti Dermacare beauty clinic a karaman ita iti investment scam isu a karaman isuna kadagiti napilaan ti kaso.
Maipalagip a 14 counts met ti estafa ken syndicated estafa dagiti kaso a naipila ken ni Neri a naarestar iti maysa a mall idiay Pasay City ken naibalod iti Female Dormitory ti Pasay City Jail idi Nobiembre 23, 2024.
Kabayatanna, sumurok P1.7 million ti piansa para iti fourteen counts ti estafa ni Neri ngem non-bailable ti syndicated estafa isu a naibalod isuna.
Iti agdama, adda idiay Amerika ni Rufa Mae idi rimmuar ti warrant of arrest para kenkuana.
