LAOAG CITY – Dandanin nga agpito a tawen dagiti agkarelasion nga isuda Ruru Madrid ken Bianca Umali.
Nupay kasta, saan a mamati ti Kapuso actor kadagiti ibagbaga dagiti dadduma maipanggep iti ‘seven-year itch.’
Daytoy ket kalpasan a maipagrup a makapasar ti dakkel a pannubok ti maysa a relasion iti maikapito a tawenda.
Naragsak ni Ruru iti amin a suporta nga ipapaay kenkuana ni Bianca. Makitkitan ti aktor a ni Bianca ti makaduana iti tungpal-biag.
