LAOAG CITY – Agpinpinnabasol ti Russia ken Ukraine kalpasan ti napasamak nga uram iti Zaporizhzhia nuclear power plant.
Inpetteng ni Ukrainian President Volodymyr Zelensky a ti Russian forces ti nangrugi ti uram iti planta.
Ti nasao a planta ken ok-okuparen ti tropa ti Moscow iti uneg ti dua a tawen.
Mainaig iti daytoy, inpalgak met ni Kremlin-installed governor Yevgeny Balitsky iti Zaporizhzhia a ti tropa ti Ukraine ti makaigapu iti napasamak nga uram.
Nupay kasta, inbalakad ni Balitsky iti publiko nga agtalinaed a kalmado gapu ta namonitor nga awan ti radiation iti aglawlaw ti planta.
