LAOAG CITY – Nangiwayat ti kadakkelan a panagsinnukat ti hostage ti Russia ken Ukraine.
Dumanon iti 270 a suldado ken 120 a sibilian ti winaya-wayaan ti dua a grupo.
Daytoy ti kadakkelan a prisoners swap sipod idi nangrugi ti rinnupak idi 2022.
Napasamak ti prisoners swap kalpasan ti naiwayat a panagsinnarita ti pagilian iti Istanbul, Turkey kadagiti naglabas a lawas.
Iti naiyuswat a panagsasarita ket nagtulag ti dua a grupo nga agsinnukatda ti maysa a ribu nga hostage-da isu a namnamaenda ng inton sumarsaruno a lawas ket maaddaan ti baro a panagsinnukat ti hostage.
Kabayatanna, insigida a naipadalan ti konsultasion iti ospital dagiti hostage sakbay ti panagkita kadagiti pamiliada.
