LAOAG CITY – Inrakurak ni Ukrainian President Volodymyr Zelensky a nangiwayat ti Russia ti “massive” overnight attack iti pagilianda nga Ukraine.
Inbatadna a nangiwayat ti Russia ti sumurok 600 a drones ken 30 a missiles.
Kunana nga adda ti tallo nga indibidual ti natay pakairamanan ti maysa nga ubing nga agtawen ti uppat iti central Zhytomyr region.
Inlawlawagna a saan pay a maawat ni Russian President Vladimir Putin a rumbeng nga agsardengen iti panangiwayat ti panangraut a mangitunda ti pannakatay dagiti adda iti pagilianda.
Mainaig iti daytoy, basar iti energy operator nga Ukrenergo, saan a naapektaran ti emergency power outages dagiti sumagmamano a rehion ti Ukraine kagiddan ti panagbaba ti temperatura a 0 degrees Celsius.
Maipalagip a nagballaag ni Zelensky a mangiwayat ti Russia ti massive strike kabayatan ti panangselebrarda ti paskua partikular kadagiti aldaw ti Disiembre 23, 24 ken 25.
