LAOAG CITY – Kinumpirman ti Russian authorities a napatay ti maysa a senior Russian general iti napasamak a car bombing idiay Moscow.
Daytoy ket ni General Yaroslav Moskalik, ti baro a Russian military commander wenno pro-Kremlin figure a maatap a tinarget ti Ukrainians nga adda iti uneg ti Russia.
Segun ken ni Russian Investigations Committee spokeswoman Svetlana Petrenko, bimtak ti maysa a Volkswagen Golf kalpasan a timmama ti maysa nga improvised explosive device nga adda ti kargana a pellets.
Napasamak ti panagatake bayat nga agturong ti special envoy ni US President Donald Trump a ni Steve Witkoff iti central Moscow a naka-schedule a makisarita ken ni Russian President Vladimir Putin para iti peace talks iti Ukraine.
Immunan nga inbatad ni Russian Foreign Minister Sergey Lavrov a nakasagana ti Russia a maaddaan ti katulagan iti Estados Unidos tapno agngudon ti gubat iti nagbaetan da iti Ukraine nupay adda ti sumagmamano nga elemento a kasapulan a maplantsa.
Iti biang ti Ukraine, inparipirip ni Kyiv mayor Vitali Klitschko a possible a kasapulan nga ipaay ti pagilian da ti maysa a teritoryo kas paset ti peace deal.
