LAOAG CITY – Dinayaw ni Russian President Vladimir Putin ni United States president-elect Donald Trump.
Inawaganna ni Trump kas nalaing ken batikanen iti pulitika a kabaelanna ti agbirok iti solusion iti tension a mapaspasamak iti nagbaetanda iti Ukraine.
Saan a maliklikan ni Putin a babalawen ni United States President Joe Biden gapu ta ad-adda pay a kimmaro ti situasion babaen iti panangipaay ti military support.
Mamati daytoy nga apaman a makatugaw ni Trump ket addaan ti panagbalbaliw ti relasion ti Estados Unidos ken Russia.
Maipalagip nga inbatad ni Trump nga iti uneg ti maysa nga aldaw ket kabaelanna a solbaren ti gubat iti nagbaetan ti Ukraine ken Russia.
